Numerology 2026: २०२६ मध्ये ‘या’ जन्मतारखेच्या लोकांना होणार आर्थिक लाभ
सध्याचे वर्ष संपायला आले असून सर्वांचे लक्ष आता नव्या २०२६ वर्षाकडे लागले आहे. अंकशास्त्रानुसार २०२६ हे वर्ष अंक १ शी संबंधित मानले जाते. या अंकाचा स्वामी सूर्य असल्यामुळे हे वर्ष आत्मविश्वास, नेतृत्वगुण आणि नव्या सुरुवातीसाठी उपयुक्त ठरू शकते. मात्र, याचबरोबर काही लोकांसाठी हे वर्ष आव्हानात्मकही ठरू शकते, असे ज्योतिषी सांगतात.
अंकज्योतिषाच्या मते, २०२६ मध्ये बाह्य अडथळ्यांपेक्षा अंतर्गत समस्या अधिक जाणवू शकतात. स्वतःच्या सवयी, विचारपद्धती किंवा निर्णयक्षमता यामुळे अडचणी निर्माण होण्याची शक्यता आहे. त्यामुळे काही जन्मतारखेच्या लोकांनी या वर्षी अधिक सजग राहणे गरजेचे आहे.
मूलांक १
ज्यांचा जन्म १, १०, १९ किंवा २८ तारखेला झाला आहे, त्यांचा मूलांक १ मानला जातो. हे लोक आत्मविश्वासी आणि स्वतंत्र विचारांचे असतात. मात्र, २०२६ मध्ये “सगळं स्वतःच करायचं” ही वृत्ती अडचणीची ठरू शकते. कामाचा ताण वाढू शकतो, त्यामुळे थकवा जाणवण्याची शक्यता आहे. आरोग्याची विशेष काळजी घेणे गरजेचे आहे.
मूलांक २
२, ११ आणि २० तारखेला जन्मलेल्या लोकांचा मूलांक २ असतो. हे लोक भावनिक आणि संवेदनशील स्वभावाचे असतात. २०२६ मध्ये भावना अधिक तीव्र होऊ शकतात. इतरांच्या अडचणींमध्ये खूप गुंतल्यामुळे स्वतःचे नुकसान होऊ शकते. वैवाहिक किंवा नातेसंबंधांमध्ये गैरसमज वाढण्याची शक्यता आहे.
मूलांक ३
३, १२, २१ आणि ३० तारखेला जन्मलेल्या लोकांचा मूलांक ३ असतो. या वर्षी तुमच्या कल्पना खूप असतील, पण एकाच वेळी अनेक योजना राबवण्याचा प्रयत्न केल्यास गोंधळ निर्माण होऊ शकतो. योग्य नियोजन केल्यासच यश मिळेल.
मूलांक ४
४, १३, २२ आणि ३१ तारखेला जन्मलेल्या लोकांसाठी २०२६ हे बदलांचे वर्ष ठरू शकते. नवीन गोष्टी स्वीकारण्यात अडचण आल्यास संधी गमावण्याची शक्यता आहे. तंत्रज्ञान आणि नव्या पद्धती स्वीकारणे फायदेशीर ठरेल.
मूलांक ५
५, १४ आणि २३ तारखेला जन्मलेल्या लोकांसाठी वर्षाची सुरुवात चांगली असू शकते. मात्र, दिशाहीन वेगामुळे आर्थिक अडचणी येऊ शकतात. व्यवसाय आणि पैशांच्या बाबतीत विचारपूर्वक निर्णय घेणे आवश्यक आहे.
एकंदरीत, २०२६ हे वर्ष काही लोकांसाठी संधी घेऊन येणार असले तरी काही जन्मतारखांच्या लोकांनी पैसा, नोकरी आणि नातेसंबंधांच्या बाबतीत अधिक सावध राहणे गरजेचे आहे.
टीप: वरील माहिती अंकज्योतिषावर आधारित असून ती केवळ सामान्य अंदाज आहे. यावर अंधश्रद्धा ठेवू नये.