२०२६ मध्ये मायावी ग्रह राहू होणार प्रसन्न; ‘या’ चार राशींच्या आयुष्यात पैशांचा पाऊस पडणार
ज्योतिषशास्त्रात राहूला मायावी आणि प्रभावशाली ग्रह मानले जाते. राहूचा स्वभाव अचानक बदल घडवून आणणारा असून, त्याच्या गोचराचा प्रभाव मानवी जीवनावर खोलवर परिणाम करणारा असतो. एखाद्या व्यक्तीवर राहूची शुभ दृष्टी पडली तर त्या व्यक्तीचे नशीब उजळते, करिअरमध्ये प्रगती होते आणि आर्थिक स्थिती मजबूत होते. मात्र राहू अशुभ स्थितीत असल्यास मानसिक तणाव, अडचणी आणि अडथळ्यांचा सामना करावा लागू शकतो. नववर्ष २०२६ मध्ये राहू दोन वेळा राशी आणि नक्षत्र परिवर्तन करणार असल्याने, काही राशींसाठी हे वर्ष अत्यंत लाभदायी ठरणार आहे.
पंचांगानुसार, २०२६ मध्ये राहू दोन महत्त्वाचे गोचर करणार आहे. ०२ ऑगस्ट २०२६ रोजी राहू कुंभ राशीत असताना धनिष्ठा नक्षत्रात प्रवेश करेल. त्यानंतर ०५ डिसेंबर २०२६ रोजी राहू मकर राशीत गोचर करेल. राहूच्या या राशी आणि नक्षत्र परिवर्तनाचा प्रभाव सर्व १२ राशींवर होणार असला तरी त्याचा विशेष लाभ चार राशींना होणार आहे. या राशींच्या जीवनात आर्थिक समृद्धी, यश, सुख-शांती आणि आनंदाचे नवे पर्व सुरू होण्याचे संकेत आहेत.
कुंभ राशीच्या व्यक्तींसाठी राहूचे हे परिवर्तन अत्यंत शुभ मानले जात आहे. या काळात कुटुंबातील जुने वाद आणि गैरसमज दूर होतील, ज्यामुळे घरात आनंदाचे वातावरण निर्माण होईल. आर्थिक दृष्टिकोनातून हा काळ खूपच लाभदायी ठरेल. अचानक धनलाभ होण्याची शक्यता असून अडकलेले पैसे परत मिळू शकतात. नवीन वाहन किंवा प्रॉपर्टी खरेदीचे योग जुळून येतील. नोकरीच्या ठिकाणी सहकाऱ्यांचे पूर्ण सहकार्य मिळेल आणि वरिष्ठांकडून कौतुक होईल. काही लोकांना धार्मिक किंवा तीर्थक्षेत्र यात्रेचा योगही येऊ शकतो.
कर्क राशीच्या लोकांसाठी राहूचे २०२६ मधील गोचर आयुष्याला सकारात्मक वळण देणारे ठरेल. दीर्घकाळापासून असलेला मानसिक तणाव दूर होईल आणि कौटुंबिक जीवनात शांतता नांदेल. नोकरी किंवा व्यवसायात मोठी प्रगती होण्याची दाट शक्यता आहे. उत्पन्नात अचानक वाढ होऊ शकते, ज्यामुळे आर्थिक स्थिती अधिक मजबूत बनेल. खर्चावर नियंत्रण राहील आणि बँक बॅलन्समध्ये लक्षणीय वाढ दिसून येईल. आरोग्य उत्तम राहील आणि आत्मविश्वास वाढेल. येणाऱ्या अडचणींना सामोरे जाण्याची मानसिक ताकद या काळात मिळेल.
तूळ राशीच्या व्यक्तींसाठी राहूचे परिवर्तन अनेक शुभ फळे घेऊन येणार आहे. या काळात मनातील अनेक इच्छा पूर्ण होतील आणि आयुष्यात सकारात्मक बदल जाणवतील. वैवाहिक जीवन सुखमय राहील तसेच जोडीदारासोबतचे संबंध अधिक दृढ होतील. करिअरच्या दृष्टीने हा काळ महत्त्वाचा असून नोकरीत पदोन्नती किंवा जबाबदारीत वाढ होऊ शकते. व्यवसाय करणाऱ्यांसाठी नवीन संधी उपलब्ध होतील. कुटुंबात आनंदाचे आणि उत्साहाचे वातावरण राहील. स्वतःच्या ध्येयांकडे अधिक लक्ष केंद्रित करून मेहनत घेतल्यास मोठे यश मिळू शकते.
मिथुन राशीच्या व्यक्तींसाठी राहूचे २०२६ मधील गोचर आनंददायी बातम्या घेऊन येणारे ठरेल. करिअर आणि व्यवसायात प्रगती होईल तसेच नवीन संधी मिळण्याची शक्यता आहे. मुलांकडून आनंदाची बातमी कानी पडेल. भाग्याची पूर्ण साथ लाभेल आणि अनेक क्षेत्रांत तुमचे वर्चस्व दिसून येईल. अविवाहितांसाठी विवाहाचे चांगले प्रस्ताव येऊ शकतात. स्पर्धा परीक्षेची तयारी करणाऱ्यांसाठी हा काळ यशदायक ठरणार आहे. आयुष्याकडे पाहण्याचा दृष्टिकोन सकारात्मक बनेल आणि आत्मविश्वासात वाढ होईल.
टीप: वरील लेख हा प्राप्त माहिती व ज्योतिषीय अंदाजांवर आधारित असून, तो केवळ माहितीच्या उद्देशाने दिला आहे.